Aínda que nacemos como empresa editora, nos primeiros anos dedicámonos basicamente á edición de libros por encargo. Mais o noso amor pola literatura, e en particular polos libros, levounos nos últimos tempos a dedicar boa parte dos nosos esforzos á edición, tanto de novos autores como de outros xa consagrados. Eliximos coidadosamente cada proxecto para darlle o carácter de obra única, coidando con agarimo os textos pero tamén o deseño, de xeito que cada libro se converta nunha pequena xoia. No noso catálogo hai desde enciclopedias ata guías culturais, ensaio, narrativa e moita literatura infantil e xuvenil, un ámbito que nos apaixona.
Os Bolechas son a maior revelación editorial de Galicia. Desde a publicación do primeiro libro no ano 2000, xa van preto de 600 títulos enmarcados en diversas coleccións e case dous millóns de exemplares distribuídos.
