María José Gulín visitará este mes de agosto varias vilas ourensás co contacontos do seu libro O zapateiro no bosque. Aquí tes as datas e localidades!
Un día de verán Xermán atópase cun coello que lle pide un estraño encargo: facer zapatos para todos os habitantes do bosque. Este será o inicio dunha grande amizade entre o neno e os animais que viven alí, unha historia que este verán chegará á cativada ourensá en forma de contacontos.
A autora da historia, María José Gulín, visitará varias localidades da provincia no mes de agosto con este título da serie O Zapateiro, que conta tamén con outro libro: O zapateiro e o raposo. Gulín é ademais autora d´Unha historia nas nubes, narracións coas que percorreu xa ducias de vilas e centros educativos de toda Galicia.
DATAS:
Baños de Molgas
5 de agosto - luns
Lugar: Parque Ansuiña
Hora: 20:30
Vilar de Barrio
10 de agosto - sábado
Lugar: Salón de actos das escolas vellas.
Hora: 20:00
Verín
11 de agosto - domingo
Lugar: Bibliopiscina
Hora: 18:00
Allariz
14 de agosto - mércores
Programa: Concilia verán
Hora: 10:30
